Wòzë zeza grańcë bëłë ùkradłé abò miałë przerobioné identifikacjowi numer. Dwaji szmùglownicë ùczëlë òbwinë.
Pòmòrskô pòlicjô dała do wiadë, że pòd kùńc gromicznika przeprowadzonô bëła stolëmnô akcjô procëm szmùglownikóm ùkradłëch aùtołów. Szandaróm pòd czerownictwã Sekcje do Biôtczi z Aùtołowim Przesprawim Kriminalnégò Wëdzélu Wòjewódzczi Kòmendë Pòlicje we Gduńskù ùdało sã przejic dwanôsce wòzów ò parłãczny wôrtnoscë kòl trzech miliónów złotëch. Bëłë to nié blós òsobòwé aùtołë, w tim z luksusowëch mòdelów, ale téż tréker, cãżarówka czë kòparkò-ladowôrka. Wszëtczé wòzë miałë bëc ùkradłé z Niemiecczi, Duńsczi i Szwédzczi, a nalazłé òstałë na terenie całégò wòjewództwa. Do tegò szandarzë wëkrëlë téż jednôsce aùtołów, jaczé miałë przerobioné identifikacjowi numer VIN – sétmë w bëtowsczim krézu. W sprawie zatrzimóny òstelë téż dwaji pasérzë, w wiekù trzëdzescë szesc i piãcdzesąt szesc lat, chtërny ju mają ùczëté òbwinë. Pòlicjô zapòwiôdô, że szlachòwné akcje bãdą sã trôfiałë co jaczis czas. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie