Reklama

Alkòbómczi dlô dzecy na Jastrë

Klëka

09/04/2026 15:15

Na papiórkach nie bëło składu, ale w szmace zarô dało sznapsa czëc. Radny sóm pòszedł je wëcëgac z przërëchtowónëch tacówków.

W jastrowi pòniedzôłk we Gduńskù jak rok w rok na Piéckach-Migòwie òrganizowónô bëła zôbawa w òbrëmim projektu „Radny w dzélnicë – integracjô z mieszkańcama”. Z pòdskacënkù jednégò z radnëch na terenie dzélnicë pòzakłôdelë tacówczi, a w nich bómczi dlô dzecy. Te, jaczé wzãłë ùdzél w zôbawie, zaczãłë znaszac bómczi ë pòkazewac starszim. Bëłë to równak bómczi z alkòholã. Niechtërny starszi zwònilë do radzëznë dzélnicë i grozëlë, że wezwą szandarów. Pò chùtczi interwencje ze spòlëznowëch mediów dzélnicë zniknãła rôczba ò dérëjący zôbawie, a pòjawiła sã klëka, żebë nie dawac dzecóm jesc tëch bómków, jaczé mògą nalezc w tacówkach. Radny, jaczi wëmëslił całą akcjã, sóm pòszedł je pòwëcëgac. Pòtemù przekôzôł medióm, że zrobił felã, bò nie sprôwdzył składu bómków, a kùpiwôł je sóm. Je to pòpùlarnô marka z żôłtëszkã na papiórkù, w krómach kòl wszëtczich jinëch bómków. Szczescym lëdze òkôzelë sã bëc w wikszoscë wërozmiałi dlô radnégo i w internetowëch wiadłach pokôzelë zrozmienié dlô zmiłczi.

H.S.Sz.

Źródło i opracowanie własne