Reklama
Amerikanie najachelë Meksyk – przez zmiłkã
21/11/2025 10:54
Za grańcã midzë stanã Teksas a stanama Meksykù robi Rio Grande – to zjinaczi kòl ùscô ti rzéczi miałë doprowadzëc do przëtrôfkòwégò przekroczeniô grańcë.
W pòniedzôłk sétmënôstégò smùtana amerikańskô armiô prowadzëła cwiczenia w òbéńdze ùscô Rio Grande do Meksykańsczi Hôwindżi. Czile żôłnérzów pòdjachało bôtã na pieglëszcze Playa Bagdad, czãsto òdwiédzóné przez môlowëch rëbôków a téż jinëch mieszkańców, i òbgrodzëło jegò dzél. Pòstawilë merczi z wiadą ò tim, że teren słëchô do Departamentu Òbarnë i wstãp na nien òstôł zakôzóny przez wódcã. Jesz tegò samégò dnia żôłnérze meksykańsczi òkrãtowiznë zdemòntowelë płot i merczi. Do amerikańsczégò wództwa trafiła skarga ò bezprawné przekroczenié grańcë. Chòc òb czas tegò krótczégò wërwasu nad Rio Grande nie doszło do wëmianë ògnia, to kòmentatorzë wskazéwają, że do zmiłczi doszło w sztóce, ga prezydent Zjednónëch Stanów Donald Trump dërch gôdô ò brëkòwnoce interwencje amerikańsczi armie w krajach Łacyńsczi Americzi, w tim w Meksykù, dlô biôtczi z narkòtikòwima gangama. Prawie w tim samim dniu Trump w jedny ze swòjich wëpòwiesców rzekł, że wrëgniãcé do Meksykù je do przëjimniãcô, bò trzeba zrobic wszëtkò, żebë strzëmac szmùglowanié narkòtików. Ambasada Zjednónëch Stanów w Meksykù wëtłómaczëła zmiłkã tim, że „zjinaczi w głãbòkòscach wód i topògrafie przejinaczëłë percepcjã turu grańce midzë państwama”. Prezydentka Meksykù Claudia Sheinbaum scwierdzëła, że lepszim wëmerkanim linie miałabë sã zajic Midzënôrodnô Kòmisjô do sprôw Grańcë i Wód, jakô òd tësąc òsmëset òsmëdzesątégò dzewiątégò rokù dozérô pòszónowaniô dlô traktatów òkòma lądowi grańcë i teritorialnëch wód midzë dwùma krajama.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie