Dwaji bracynowie i kùpiwający òd nich barniã znajomi ùczëlë ju òbwinë.
Trzech chłopów ùczëło òbwinë pò zatrzimanim, do jaczégò doszło w sobòtã 4. stëcznika. Pò tim, jak w gòdnikù chtos włómôł sã do aùtoła i jednorodzëznowi chëczë w gminie Chònice, skądka ùkrôdł biżuteriã, strzélną barniã i patrónë do ni, szandarzë z Chòniców i Gduńska trafilë na jednégò 40-latka, jaczi miôł bëc sprôwcą ti kradzeżë. Ten razã z 44-latnym bratã przedôł barniã z amùnicją znajomémù 33-latkòwi, chtëren hańdlowôł z młodszim z bracynów narkòtikama. Szandarzë razã z karnã antiterroristów narabczëlë bracy w grańcach Chòniców, w mieszkaniu, w chtërnym nalazłë sã téż narkòticzi. Krótkò pò tim zatrzimóny òstôł jich wespólnik, kòl jaczégò bëła téż kùpionô barniô. Wszëtcë trzeji chłopi mieszkają w Chònicach. Òkôzało sã, że 40-latk je winny téż jinszich kradzeżów, m.jin. reflektorów, agregatów do sztrómù, elektricznégò kùlôka i dëtków. Ten òstôł aresztowóny na dwa miesące. Pòòstałi dwaji dostelë dozér kùratora i zakôz wëjéżdżaniô z kraju.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie