Szandarzë weszlë do rezydencje zawieszony głowë państwa pò drôbkach. Jun Suk Jeol òdmówił wëwidnieniów w sprawie jednodniowégò wòjnowégò ùstawù.
We strzodã 15. stëcznika w Seùlu pòd rezydencją prezydenta Pôłniowi Kòreje Jun Suk Jeola zebrała sã rzma lëdztwa. Pòlicjô przëjachała z nakazã aresztowaniô głowë państwa i doprowadzeniô ji przed sąd w sprawie wprowadzeniô warającégò niecałi dzéń wòjnowégò ùstawù w gòdnikù. Òkróm prezydencczi òchrónë pòd dodomã pòlitika zebrelë sã téż jegò przëstójnicë, jaczi próbòwelë ùniemòżebnic jegò zatrzimanié i dokazac nielegalnosc nôkazu aresztowaniô, a téż procëmnicë, co chcelë wëkònaniô przez szandarów dónégò jima pòlétu. W kùńcu służbë dostałë sã bënë pò drôbkach i zabrałë Jun Suk Jeola na przesłëchanié. Prezydent w zawieszenim zwëskôł z prawa do môłczeniô. Przódë do slédnëch chwil przed aresztowanim pòdôwôł pùbliczno do wiadë, że wprowadzenié wòjnowégò ùstawu w gòdnikù bëło jegò wërażenim niezgòdë na łómanié prawa w państwie i bùtnowi cësk z Nordowi Kòreje. Òn sóm je òbskarżiwóny ò próbã eliminacje òpòzycje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie