Reklama

Aresztowanié pòstãpnégò hierarchë w Armenie

Klëka

07/12/2025 14:48

Katédra sw. Grégòra Òswiecëcela w Eriwaniu. Òdj. Marcin Konsek / Wikimedia Commons; zdrzódło: https://pl.wikipedia.org/wiki/Apostolski_Ko%C5%9Bci%C3%B3%C5%82_Ormia%C5%84ski#/media/Plik:2014_Erywa%C5%84,_Katedra_%C5%9Bw._Grzegorza_O%C5%9Bwieciciela_(05).jpg

Òrmiańskô Cerkwiô je w sztridze z rządã Nikòla Pasziniana, jaczégò winëją ò zdradã interesów Armenie przez zgòdã na niezwëskòwny mir z Azerbejdżanã.

W piątk piątégò gòdnika w Eriwaniu aresztowelë Arszaka Chaczatriana, arcëbiskùpa Apòsztolsczi Òrmiańsczi Cerkwie. Je winowóny ò kùpisz narkòtików i próbã pòdłożeniô jich jednémù z lëdzy protestëjącëch pòd sedzbą katolikòsa Karenina, pòdwëższégò Apòsztolsczi Òrmiańsczi Cerkwie. Miało to sã stac w dwa tësące òsmënôstim rokù. Wedle kòmentatorów to je pòstãpny dokôz sztridu midzë klérã a rządã pòd wòdzą premiérë Nikòla Pasziniana. W czerwińcu aresztowóny béł arcëbiskùp Bagrat Galstanian z òbwiną rëchtowaniô pùczu, a w rujanie do sôdzë pòszedł arcëbiskùp Mikael Adżapachian, winowóny ò ùdzél w bùńce. Chaczatrian na swój proces mùszi żdac dwa miesące.

H.S.Sz.