Białka ùpiekła czwioro òsobóm chrzebtowinã beef wellington z dodôwkã sromòtników zebrónëch w ògardze.
W pòniedzôłk ósmégò séwnika w sądze w Melbourne w Aùstralie zapôdł wërok w sprawie piãcdzesątlatny Erin Patterson, winowóny ò òtrëcé czwioro òsób sromòtnikama. W dwa tësące dwadzestim trzecym rokù pòdała starszim, cotce i wùjowi swòjégò chłopa, z jaczim bëła w separacje, wòlą chrzebtowinã z grzëbòwim farszã zapiekłą w lëstkòwim cesce – grzëbë, jaczich ùżëła do farszu, to bëłë prawie sromòtniczi. Pò taczim jestkù przeżił leno wùja ji chłopa, a sóm chłop béł téż przërôczony na wieczerzą, le nie przëszedł, bò ju òd dłëgszégò czasu béł dbë, że białka próbòwa gò òtrëc. Sprôwcka òstała ùznónô za winną i skôzónô na dosmiertną sôdzã, z prawã zapòbieganiô ò zwòlnienié pò przesedzenim co nômni trzëdzescë trzech lat. Je to jeden z nôdłëgszich wëroków, na jaczé òstała skôzónô białka w historie Aùstralie. Grozëła ji dosmiertnô sztrôfa bez prawa do wczasniészégò zwòlnieniô, ale sąd zletcził wërok z pòzdrzatkù na drãdżé warënczi, w jaczich bãdze gò òdbiwała: Dwadzesce dwie gòdzënë na dobã bãdze sedzała w swòji celë bez kòntaktu z jinszima sôdzewima, w sôdzë ò nôòstrzészi kãdarze.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie