Szmùglownicë narkòtików i jich kamrôcë òdpòwiedzelë tak na dzejania rządu procëm narkòtikòwim gangóm.
Òb noc z pòniedzôłkù na wtórk, ze sztërnôstégò na piãtnôstégò łżëkwiata, w całi Francje bëłë ataczi na sôdze. W wikszoscë doszło do pòdpôleniów aùtołów na parkingach a téż przédnëch bróm, jak w Villepinte, Nanterre, Aix-Luynes i Valence, a téż w Marsylie, gdze próba pòdpaleniô sã nie ùdała. W jednym przëtrôfkù, w Toulon, bróma bëła òstrzélónô z maszingewérë Kałasznikòwa, a w Nancy jeden z robòtników sôdzë dostôł grozbë òd atakòwników ù se doma. Rząd i media są zgòdą, że te ataczi bëłë òdpòwiescą na òstatné dzejania rządu procëm roscącémù jiwrowi szmùglowaniô narkòtików. Minister sprawiedlëwòscë Gérald Darmanin òbtaksowôł, że sprôwcë chcą zastraszëc wëszëznë i służbë, tak, żebë te dałë przesprôwcóm pòjugã w szmùglu. Zapòwiedzôł, że òdwiedzy Toulon. Minister bënowëch sprôw Bruno Retailleou nakôzôł szandaróm wzmòcnic òchrónã wkòl sôdzów, a antiterroristicznô prokùratura w wespółrobòce z Generalną Direkcją Bënowégò Bezpiekù rëgnãła z wëdowiédzą w sprawie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie