Reklama

Atak na katolëcką szkòłã w Minneapòlis

Klëka

28/08/2025 12:03

Pòzdrzatkòwi òbrôzk zrobiony przez sztëczną inteligencjã

Nalazłi przez służbë dniownik atakòwnika wskazéwô, że strzélinga miôł ùdbóné òd dłëgszégò czasu.

We strzodã dwadzestégò sódmégò zélnika doszło do strzélindżi w Katolëcczi Szkòle Zwiastowaniô w Minneapòlis w amerikańsczim stanie Minnesota. Sprôwca strzélôł z bùtna przez òkna przëszkòłowégò kòscoła, w jaczim prawie sprawòwónô bëła renô mszô z leżnoscë zaczãcô szkòłowégò rokù. Zdżinãłë dwa dzéwczãta w wiekù òsmë i dzesãc lat, a sétmënôsce lëdzy bëło renionëch. Dwadzescetrzëlatny transpëłcowi atakòwnik Robin Westman pò òstrzelenim kòscoła zastrzelił sã sóm. Krótkò przed atakã na Youtubie ùprzëstãpnił materiałë, w jaczich pòkazéwôł swój dniownik pisóny pò ruskù i pò anielskù cyrilicą, lëst do rodzëznë, w jaczim pisôł ò swòji depresje i pòdezdrzeniach reka, a téż swòjã jizbã z amùnicją i wëstrojã wskazéwającym na rasystowsczé, antisemicczé a téż antireligiowé pòzdrzatczi. Na magazynkù jegò karabinu bëło napisóné: „dlô dzecy”, „Gdze je waji Bóg?” i „zabic Donalda Trumpa”. Wczasni nie béł notowóny przez pòlicjã.

H.S.Sz.