Reklama
Atak na Wenezuelã i pòjmanié prezydenta Maduro
04/01/2026 21:22
Amerikanie skùńczëlë ju wòjskòwą òperacjã, ale w Wenezuelë bãdze czëc ji skùtczi jesz długò – żdże jã dozér w miono gòspòdarczégò ë pòliticznégò interesu Zjednónëch Stanów.
W sobòtã trzecégò stëcznika przed szermëcą wòjska Zjednónëch Stanów zaatakòwałë Wenezuelã. Doszło midzë jinszima do bómbòwaniów i rakétowëch òstrzałów. Ani Zjednóné Stanë ani Wenezuela nie ùprzëstãpniłë fùlny lëstë zaatakòwónëch òbiektów, ale kòlumbijsczé zdrzódła pòdôwają jednôsce célów. Wchôdają w to òbiektë wòjskòwé, rządowé ë infrastrukturalné. Wiceprezydentka Wenezuelë Delcy Rodriguez pòdała, że zdżinãlë zôłnérze i cywile. W stolëcë kraju, Caracas, dzélama pòwëłączelë sztróm. Dzãka pòmòcë lëdzy pòdstrôwającëch kòl wenezuelsczégò rządu, amerikańsczé służbë zatrzimałë prezydenta Nicolása Maduro i jegò białkã Ciliã Flores w jich spalnie i wëwiezlë jich z kraju. Całô òperacjô dérowała czile gòdzyn. Ùprzistãpnioné òstałë òdjimczi ë nagrania pòjmónégò Maduro w drodze do Nowégò Jorkù, gdze mô stanąc przed sądã nôgwësni w pòniedzôłk piątégò stëcznika. Donald Trump winëje gò midzë jinszima ò przewòdzenié narkòtikòwémù kartelowi wprowôdzającémù zakôzóné substancje na amerikańsczi rënk. Trump na gazétny kònferencje dôł téż do wiadë, że terô Zjednóné Stanë bãdą rzãdzëc Wenezuelą do czasu bezpieczny transfòrmacje. Wedle wenezuelsczi kònstitucje włôdzã w kraju przejimnãła wiceprezydentka z namienieniô Maduro Delcy Rodriguez. Amerikańskô starna jesz rozwôżô, czë pòzwòli ji òstac przë rządach. Zapòwiedzała téż, że wëznaczony bãdą specjalny ùrzãdnicë do dozéraniô dalszich przejinaków w tim kraju, wedle geszeftu amerikańsczi pòliticzi.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze