Szandarzë wicy jak gòdzënã òstôwelë w łączbie z atakòwnikã, jaczi pòrénowôł bënë krómù.
W piątk dwadzestégò piątégò lëpińca w Czerskù do jednégò z krómów przë szasëje Starogardzczi weszedł trzëdzescë sétmë lat stôri chłop. Zachòwiwôł sã agresywno, rzucôł zachama, a w jednym sztóce wëcygnął nóż. Białczi, jaczé robiłë tej w krómie, zarô wëbiegłë z bùdinkù i zazwòniłë pò pòlicjã. Chłop w tim czasu pòrénowôł wszëtkò bënë i zastawił dwiérze lodownicą. Szandarzë przëjachelë na plac i zaczãlë negòcjacje z atakòwnikã. Dérowałë òne półtora gòdzënë. W kùńcu ùdało jima sã wlezc bënë i gò ùskrzënic. Trzëdzescësétmëlôtk to mieszkańc kòscérsczégò krézu. Mòtiwë atakù jesz nie są znóné.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie