Reklama

Awans dlô całégò pòsterunkù

Klëka

14/01/2026 14:41

Szandarzë wew Brusach bãdą terô służëlë całą dobã. Brëkòwac bãdą do tegò nowégò aùtoła, na jaczi złożëłë sã téż samòrządë.

W pòniedzôłk dwanôstégò stëcznika na pòsterunkù pòlicje wew Brusach zrëchtowónô bëła ùroczëzna z leżnoscë przejinaczi òrganizacjowi sztrukturë w Krézowi Kòmendze Pòlicje w Chònicach. Jednostka bãdze terô dzejac nié jakno pòsterunk, le fùlprôwny kòmisariat pòlicje. Nôwôżniészé, co sã z tim rzeszi, to to, że kòmisariatë dzejają całą dobã. Pòdwigniãcé randżi brusczi jednostczi je partã szerszégò procesu reòrganizacje terenowëch jednostków pòlicje. Przë leżnoscë nowi kòmisariat dostôł nowi szandarsczi aùtół za sto òsmëdzesąt tësący złotëch, kùpiony dzãka wespółrobòce pòlicje z Miesczim Ùrzãdã wew Brusach i Krézowim Starostwã w Chònicach. Doszło téż do zmianë na stanowiszczach. Dotëchczasny zastãpnik kòmendanta Kòmisariatu Pòlicje w Czerskù pòdkòmisôrz Rafôł Szalewsczi, òstôł kòmendantã brusczégò kòmisariatu, a jegò stanowiszcze òbjimnãła dotëchczasnô czerowniczka pòsterunkù wew Brusach kòmisôrz Justina Przëtarskô.

H.S.Sz.

Źródło i opracowanie własne