Reklama

Balatón zamiôrzł

Klëka

11/01/2026 13:27

Balatón - satelitarny òdjimk Landsat. NASA - Photo generated using: https://zulu.ssc.nasa.gov/mrsid/; zdrzódło: https://pl.wikipedia.org/wiki/Balaton#/media/Plik:Balaton.jpeg

Jezoro je wiele wikszé jak chòcbë Pùcczi Wik. Przez wnet dekadã zëmë w Madżarsce nie bëłë na tëlé òstré, żebë zmrozëłë jegò całą wiéchrzëznã.

Madżarsczi meteòrolodzë pòdelë, że Balatón, nôwikszé jezoro w Madżarsce i w całi Westrzédny Eùropie, zamiarzło w całoscë. Doszło do tegò pierszi rôz òd dzewiãc lat. W slédnëch dniach temperaturë bëłë dosc nisczé, żebë wòda zamiarzła, ale wiater przesuwôł i rozbijôł fôłtë lodu. W piątk dzewiątégò stëcznika reno wiater równak ùstôł, a temperatura sygła minus dzesãc gradów kòl brzegù. Dzãka temù zrobiła sã zemkłô wiôrzta lodu na całi wiéchrzëznie zbiérnika. Dorazu równak wëdóné bëłë òstrzédżi, żebë nie próbòwac na jezorze zëmòwëch spòrtów, bò we wiele placach lód je dërch cenczi a krëchi.

H.S.Sz.

Źródło i opracowanie własne