Reklama

Barniô Hamasu schòwónô w Widnie

Klëka

09/11/2025 16:05

https://en.wikipedia.org/wiki/Politics_of_Austria#/media/File:Austria_Parlament_Front.jpg

Aùstriacczé służbë są dbë, że zatrzimóny trzecégò smùtana chłop je nôleżnikã Hamasu, chtëren w lece òdebrôł barniã do przeszmùglowaniô.

We Widnie szandarzë nalezlë w wënajimóny schòwie kòfer z barnią. Bëło tam piãc pistolów i dzesãc magazynków. Pòdszukòwny ùznelë, że schòwë brëkòwałë bùtnowé strukturë Hamasu. Nalezlë jã òb czas dérëjący òd dłëgszégò czasu òperacje, dzãka jaczi dostelë wiadło, że jakôs wielëna barnie mògła bëc przeszmùglowónô prawie do Aùstrie, a terô sã to pòcwierdzëło. Célã ewentualnëch ataków miałëbë bëc żëdowsczé ë izraelsczé institucje. W sprawie zatrzimóny na zôczątkù smùtana òstôł jeden trzëdzescë dzewiãc lat stôri chłop z britijsczim òbëwatelstwã, jaczémù pòdszukòwny ùdokaznilë znajomòsc z jinym nôleżnikã Hamasu, chtëren béł zatrzimóny w rujanie w Niemczech. Òni dwaji mielë sã dwa razë pòtkac tegò lata w Berlënie, a tedë barniô bëła przekôzónô do Aùstrie. Wedle òbùch są prowadzoné apartné sądowé procesë. Hamas zaprzékòwôł, żebë mielë òni miec co z nim pòspólnégò, bò nie ùtrzëmiwô swòjich strukturów bùten òbéńdë Izraela i Palestinë.

H.S.Sz.