Reklama

Bédënk wòjskòwi conë Schengen

Klëka

18/12/2025 13:25

Òdj. Diliff; zdrzódło: https://pl.wikipedia.org/wiki/Parlament_Europejski#/media/Plik:European_Parliament_Strasbourg_Hemicycle_-_Diliff.jpg

Zletczenia procedurów i ùprawienié infrastrukturë – do tegò wzéwô nônowszô rezolucjô Eùropejsczégò Parlamentu ò rësznoce wòjsków.

Eùropejsczi Parlament wëdôł rezolucjã w sprawie pòdwigniãcô jakòscë wòjskòwi mòbilnoscë. We strzodã sétmënôstégò gòdnika zawelowelë za nią sztëresta dzewiãcdzesąt trzeji pòsélcowie, sto dwadzesce sétmë bëło procëm, a trzëdzescë òsmë sã strzimało. Chòdzy ò wezwã dlô państwów do inwesticjów w infrastrukturã taką jak drodżi, mòstë i sztreczi. Te dzysdniowé nie są dopasowóné do tegò, żebë chùtkò mógł pò nich przejachac cãżczi wòjskòwi sprzãt. Wedle aùtorów rezolucje, czejbë doszło do zagrôżbë dlô Eùropë ze starnë Rusczi ë nót bë bëło cësnąc tanczi ë żôłnérzi na wschódny zberk Nordowòatlanticczi Zdrëszënë, zajãłobë to nawet miesące. Akt kôzôł téż zletczëc rësznotã przez grańca dlô wòjsków, na przëmiar przez wprowôdzanié cyfrowëch rozrzeszeniów w procedurach przejazdu. Pòwstac bë miała tak pòzwónô wòjskòwô cona Schengen. Całi kòszt inwesticjów òstôł òbtaksowóny na nawetka miliard eùro. Ùdba je takô, żebë na kùńc sëłë chùtczégò reagòwaniô Nordowòatlanticczi Zdrëszënë mògłë przelezc bënowé grańcë Ùnie w trzë dni òb czas miru, a w dwadzesce sztërë gòdzënë w krizysowi stojiznie.

H.S.Sz.