Reklama
Beczczi z solnym kwasã we westrzódkù lasu
10/02/2026 10:32
Do lasu w gminie Kòscérzna mùszałë zjachac retowné jednostczi jaż z Gdinie. Służbë zabezpieczëłë i zabrałë ju zabiérniczi z néżkama niebezpieczny substancje.
W niedzelã ósmégò gromicznika niedalek Szarlotë nad jezorã Òsëszëno mieszkónka kòscersczégò krézu szpacérowała pò lasu. Narôz zmerkała piãc mòdrëch zabiérników stojącëch midzë drzewama. Wezwała szandarów, a ti przëjachelë na plac, przódë dôwającë znac téż jinym służbóm. Ògniarze zabezpieczëlë òkòlé piãc beczków, a specjalisticznô grëpa chemicznégò retownictwa z Retowno-Gasniczi Jednostczi ze Gdinie sprawdzëła, co je bënë. Ùżëlë do tegò miérnëch nôrzãdłów, jaczé wskôzałë, że we wnet lózëch beczkach òstałë néżczi solnégò kwasu. Szczescym bëłë òne równak zamkłé ë przedstôwca Wòjewódzczégò Inspektoratu Strzodowiszcza scwierdzył, że nôtëra nie doznała zaszkòdë. Samò równak òstawienié taczich zabiérników we westrzódkù lasu słëchô sztrôfie. Beczczi trafiłë pòd dozér Gminny Starżë w Kòscérznie. Pòlicjô zajmie sã terô szëkbą za jich miéwcą.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 17/03 Główczëce szukają métlu na wandalów
- 17/03 Chce Narwa òdapartnic sã òd Estońsczi?
- 16/03 Zawiészka na lëché òczë
- 16/03 Lës przepłënął Atlantik
- 15/03 Słowò na niedzelã (15.03.26)
- 14/03 Òkredlë smãtôrz w Niestãpòwie
- 14/03 Etnicznô jednota nade wszëtkò
- 14/03 Król Szwédzczi we Gduńskù
- 14/03 Dolëzna Smiercë òkwiatowónô
- 12/03 Płëwnica Nimfa do zamkniãcô?
- 12/03 Granat pòd skórą ùmarłégò pòjmańczika
- 12/03 Są trapë, ni ma przeńscô do nich
- 12/03 Rozdanié Ig Noblów pierszi rôz w Eùropie
- 10/03 Òdnëkôł agresywnégò amstaffa
- 10/03 Ùkrajina pòmòże biôtkòwac z Szahedama
- 09/03 Banë na centralné banowiszcze w Glasgow strzimóné
- 09/03 Pelplińskô diecezjô ni mô na naprawã dakù
- 09/03 Ruskô wëcopiwô sã z werbùnkù w czile afrikańsczich krajach
- 08/03 Słowò na niedzelã (8.03.26)
- 07/03 Trzë sostrë i òjc prowadzëłë ruchnowi gang
Komentarze