Reklama

Òbgôdczi sprawë atomòwi energeticzi w Sztokholmie

Klëka

08/10/2025 19:22

Aùtór: Japo; zdrzódło: https://pl.wikipedia.org/wiki/Elektrownia_j%C4%85drowa#/media/Plik:JETE-chladici_veze.jpg

Ministrowie energeticzi pòdpiselë deklaracjã ò wespółrobòce przë rozwijanim technologiów kòl atomòwëch elektrowniów.

We wtórk sódmégò rujana w Sztokholmie bëła kònferencjô ò atomòwi energetice. Bëlë na ni ministrowie do sprôw energie ze Szwédzczi, Fińsczi, Estońsczi, Łotwë i Pòlsczi. Gôdóné bëło ò perspektiwach bùdacje atomòwëch elektrowniów w tëch krajach, téż w kòntekscë klimaticznëch zjinaków. Mùszebnosc zagwësnieniô stójnëch a gwësnëch zdrojów energie bëła téż pòrëszonô w związkù z rostã chãtnëch na barniã w Eùropie. Niżóden z krajów, co brałë ùdzél w kònferencje, ni mô fùlnëch krajowëch mòżebnosców, żebë bez bùtnowi pòmòcë pòstawic atomòwą elektrowniã. Dlôte bëła przëjimniãtô deklaracjô ò wespółrobòce przë rozwiju atomòwi energetice w òbéńdze Bôłtu, przë założenim wespółrobòtë z wëzwëskanim wiédzë, bòkadnosców i pòtencjału sąsadów. Òb czas kònferencje przed bùdinkã hotelu, jaczi gòscył pòlitików, procëm atomòwi protestowelë dzejarze Greenpeace'u.

H.S.Sz.

Załączniki