Kònkùrs je sparłãczony z tôrgama ksążczi w Kòscérznie. Latos w lëpińcu bãdze dwadzestô piątô edicjô tegò wëdarzeniô
Do kùńca łżëkwiata Mieskô Bibloteka w Kòscérznie przëjimô zgłoszenia do dwadzestégò piątégò Kònkùrsu Lëteraturë Kaszëbsczi ë ò Kaszëbach namienionégò aùtoróm i wëdôwcóm ksążków pò kaszëbskù abò ò kaszëbsczi témiznie. Wëniczi bãdą ògłoszoné na Tôrgach Kaszëbsczi ë Pòmòrsczi Ksążczi COSTERINA w Kòscérznie w piątk czwiôrtégò lëpińca. Przëjimóné są zgłoszenia ksążków wëdónëch òd zôczątkù łońsczégò rokù do kùńca strëmiannika latoségò w sétmë kategòriach. Je nót wëfùlowac zgłoszeniową kôrtã i przesłac jeden egzemplôrz ksążczi do kòscérsczi bibloteczi. Òbsãdzëcele òbtaksëją dokazë z pòzdrzatkù artisticznégò, psychòlogicznégò a téż jakòscë wëdaniô. Za plac na pòdium òrganizatorzë przëznają atrakcjowé nôdgrodë. Dobiwcë mògą téż rechòwac na promòcjã w lokalnëch mediach. Drobnotë ò kònkùrsu, regùlamin i zgłoszeniowô kôrta do nalézeniô na internetowi starnie kòscérsczi biblioteczi: https://www.bibliotekakoscierzyna.pl/xxv-konkurs-literatury-kaszubskiej-i-o-kaszubach/
Twoje zdanie jest ważne jednak nie może ranić innych osób lub grup.
Komentarze opinie