Slédné szlachòwné pòtkanié przedstôwców òbùch rządów bëło w dwa tësącé szóstim rokù w Mińskù.
Biôłoruskô i Nordowô Kòreja zòrganizowałë pierszé òd dzewiãtnôsce lat pòtkanié jich midzënôrodnégò kòmitetu do sprôw hańdlu i gòspòdarczi wespółrobòtë. Wicepremiéra Nordowi Kòreje Dzong Mjong Su przëwitôł w Pjongjangù biôłorusczégò wicepremiérã Jurija Szulejkã. Brzadã jich pòtkaniô bëło pòdpisanié w czwiôrtk ósmégò maja pòrozmieniégò ò hańdlowi i gòspòdarczi wespółrobòce, z cëskã na wëmianã towarów, doczëznów a doswiôdczeniów òkòma gbùrzëznë, maszinowi industrie, pùblicznégò zdrowiégò i edukacje. Drobnotë ùgôdënkù nie òstałë pòdóné. Znajarze docygają, że mògą òne łómac rezolucje Radzëznë Bezpiekù Òrganizacje Zjednónëch Nôrodów – ta bróni państwóm-nôleżnikôm dotëgòwëwac do Nordowi Kòreje jaczilebądz industriowi maszinerie. Òkróm zajimaniô sã samim dogôdënkã, biôłoruskô delegacjô òstała òprowadzonô pò zabëtkach Pjongjangù i pòtkała sã na krótkò z premiérą Parkã Thae-Songã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie