Reklama

Biskùp Asyżu procëm hańdlarzóm relikwiów

Klëka

28/03/2025 15:12

https://commons.wikimedia.org/wiki/Category:Carlo_Acutis#/media/File:Kenotaf_Carla_Acutis.jpg

Relikwie Carlo Acutisa, znónégò jakno „pierszi millenials na wôłtarzach”, miałe zostac przedóné na internetowi aùkcje.

We strzodã dwadzestégò szóstégò strëmiannika biskùp Asyżu Domenico Sorrentino dôł do wiadë, że pòzwôł do prokùraturë hańdlarza relikwiama, jaczi na internetowi aùkcje przedôł za przeszło dwa tësące eùro relikwie błogòsławionégò Carlo Acutisa, jaczi mô bëc kanonizowóny w Watikanie dwadzestégò sódmégò łżëkwiata. Przedóné miałë òstac włosë błogòsławionégò, a jich prôwdzëwòsc wedlë hańdlarza pòcwierdzywają kòscelné dokùmentë. Biskùp je równak dbë, że relikwie są falszewé. Chce, żebë służbë je skònfiskòwałë. Hańdlôrz mòże bëc òbskôrżony ò òbrazã religiowëch wseczëców. Kanoniczné prawò zakazéwô hańdlu tak prôwdzëwima jak pòdrobionyma relikwiama błogòsławionëch i swiãtëch. Diecezjô przestrzégô przed wicy aùkcjama relikwiów swiãtégò, chtërne jidze nalezc w Internece.
Carlo Acutis je znóny jakno ùtwórca internetowëch starnów ò eùcharistie, marijnëch ùkôzaniach czë katolicczich swiãtëch. Zajimôł sã midzë jinszima pòmòcą imigrantóm mieszkającym na szasëjach Mediolanu. Ùmarł na schniączkã czej béł piãtnôsce lat stôri. Katolicczi Kòscół ùznôł dwa cëda za jegò zastawnictwã.

H.S.Sz.

Załączniki