Reklama
Biskùpi zjachelë do Wôrzenka
18/10/2025 17:45
Òstrzódk nad Tëchòmsczim jezorã gòscył kòscelnëch hierarchów z całi Pòlsczi. Gôdelë midzë jinszima ò migracje i ò nôùce religie w szkòłach.
Sztëresta drëdżé Plenarné Zebranié Kònferencje Episkòpatu Pòlsczi bëło zrëchtowóné w Wôrzenkù w gminie Przedkòwò, w òstrzódkù Caritasu słëchającym gduńsczi archidiecezje, jakô fejrëje stolaté swòjégò jistnieniô. Zebranié skùńczëło sã we strzodã piãtnôstégò rujana, a brzôd z òbgdôdków wôżnëch témów przedstawił pò nim przédnik Kònferencje Episkòpatu i metropòlita gduńsczi archidiecezje arcëbiskùp Tadeùsz Wòjda. Biskùpi gôdelë ò kwestiach migracje i niezdrowëch relacjów wëchôdającëch z felënkù ewanielicznégò pòzdrzatkù na niã. Przëjimnãlë nowé „Programòwé spòdlé dlô ùczeniô rzimskòkatolëcczi religie w Pòlsce”, jaczé mô bëc wprowadzoné òd pierszégò séwnika dwa tësące dwadzestégò sódmégò rokù. Òbgôdczi tikałë sã téż òbchòdów szescdzesąti roczëznë pòdpisaniô lëstu biskùpów pòlsczich do niemiecczich, pòmëslónëch na òsmënôstégò smùtana we Wrocławiu. Arcëbiskùp zapòwiedzôł téż, że nowi dëszpastursczi rok w Pòlsce bãdze òbchôdóny pòd zéwiszczã „Ùczniowie-misjonarze”, jaczé mô pòdczorchiwac òdpòwiedzalnotã wszëtczich wierzącëch za ewanielizacjã i rost Kòscoła.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie