Atak na balarza, a pòtemù na òbsãdzëcela doprowadzëłë do przerwaniégò pòtkaniô z walkòwerã dlô Kaszubie Stëdnice.
Mecz w fùsbalã w niedzelã 17. smùtana na bòjiszczu w Tëchómiu midzë Mësliwcã Tëchómié a Kaszubią Stëdnice skùńcził sã chùdzy pò tim, jak doszło do atakù na òbsãdzëcela. Przódë doszło do òstri spiérczi midzë dwùma balarzama z procëmnëch karnów, czej nôleżnik karna gòspòdarzi ùderził jednégò z riwali, za co òbsãdzëcél dôł mù czerwioną kôrtkã. Krótkò pòtemù jeden z òbzérôczów wëdarzeniô weszedł na plac i zaatakòwôł òbsãdzëcela tak, że ten sã zwrócył. Mecz òstôł przerwóny w 63. minuce. Bëło tedë 2:1 dlô Kaszubie Stëdnice.
Zdarzenióm z niedzelny rozegrë przëzdrzi sã dyscyplinarnô kòmisjô. Sprôwcë zamiészaniô òstelë wëlegitimòwóny przez szandarów. Òstóną téż jima pòstawioné òbwinë – pòstãpòwanié je na wstãpnym etapie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie