Reklama

Bòlëca w Kòscérznie w cyfrowi epòce

Klëka

29/01/2026 13:59

Òdj. z facebookòwi starnë: Szpital Specjalistyczny w Kościerzynie

Zaczã sã robòta przed zjinakama, jaczé z kòscersczégò szpitala mają zrobic plac richtich na miarã dwadzestégò pierszégò stalatégò.

We strzodã dwadzestégò ósmégò stëcznika przedstôwcë Specjalisticzny Bòlëcë w Kòscérznie pòdpiselë pierszi ùgôdënk z wëkònywôczã projektu „Pòdrëchlenié procesów cyfrizacje w Specjalisticzny Bòlëcë w Kòscérznie”, firmą IC Solutions. Sygnatariuszama ze starnë bòlëcë bëlë Marzena Mrózk i Mariusz Hulińsczi, przédniczka i wiceprzédnik zarządzënë, a ze starnë infòrmaticzny firmë ji przédnik Przemesłów Jesonowsczi. Inwesticjô mô kòsztac wnet jednôsce miliónów złotëch, z czegò dzewiãc miliónów mdze zapłaconé ze wspiarcym Krajewégò Planu Òdbùdowë. Docélowò je ùdbóné, żebë wprowadzëc fùl cyfrową mediczną dokùmentacjã, wprowadzëc cyfrowé zgòdë pacjentów, a téż zajic sã cyberbezpiekã bòlëcë. Wprowadzony mô bëc téż stójny przistãp do zdrowòtny stojiznë pacjentów. Wprowôdzóné rozrzeszenia mają bëc do wërozmieniô dlò òbsadë bòlëcë i wiedno ze zwëskã dlô chòrëch.

H.S.Sz.

Źródło i opracowanie własne