W ùszłim tidzeniu Òglowé Zgromadzenié Òrganizacje Zjednónëch Nôrodów głosowało midzë jinszima nad projektã ùsadzeniô Midzënôrodnégò Dnia Nôdzeji, zgłoszonym przez Aùstriã, Równikòwą Gwinejã, Fidżi, Kiribati, Marokò i Wanuatu.
Swiãto miałobë bëc òbchôdóné dwanôstégò lëpińca, a zrzeszoné bë miało bëc z promòcją nôdzeji, miru, tolerancje, spòlëznowi stójnotë i szacënkù przez rządë i bùtenrządowé òrganizacje. Zaskòknãłë wëniczi welowaniô, bò czej „za” bëło wikszosc państwów, a zgòdą bëłë nawetka te w òdemkłi wòjnie midzë sobą, jedurny głos „procëm” òddałë Zjednóné Stanë. Mòcarstwò ùdokazniło swòje sprocëmnienié wedle projektu tim, że „zamikô w se nawleczenia do rozmajitoôrtnoscë, równaniô przistãpù do dobrów i inkluzywnoscë, co sprocëmniwô sã pòlitice Zjednónëch Stanów, jakô zgrôwô do rëmniãcô wszelejaczich fòrmów diskriminacje, i twòrzeniô równëch mòżebnosców dlô wszëtczich”. Òd głosu strzimałë sã Indie, Paragwaj, Peru i Tëreckô. Zgromadzenié przëjãło ùchwôlënk.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie