Reklama
Bollywood we Gduńskù
07/10/2025 10:19
Driftëjącé aùtołë pòbùdzëłë mieszkańców i zalałë flaster strzódmiesczich szasëjów òlejã. Tak indijsczi producent krącył we Gduńskù film, jaczi mô bëc superprodukcją Bollywoodu.
W nocë z czwiôrtkù na piątk, z trzecégò na czwiôrtégò rujana, we Gduńskù na Strzódmiescym krącelë bollywoodzczi film. Rëczałë aùtołë, mërgałë bestré widë, bãczałë agregatë. Reno mieszkańcë zòczëlë szlachë pò réfach i plachce wëcekłégò òleju, a téż drobné ùszkòdë flastru. Bëłë téż ùtrudnienia w przistãpie do mieszkaniów abò drodze do robòtë, bò filmòwé karno sprzątało pò krącenim. Ò tim wszëtczim mieszkańcë ni mielë rëchlészi wiadë. Ta ùkôzała sã na internetowi starnie Gduńsczi Zarządzënë Drogów i Zeleni dopiérze pò skùńczenim nagraniów. Rzecznik prezydentczi Gduńska Daniél Stenzel tłómaczi, że je to zwëczajnô praktika przë krącenim wiôldżich filmów, bò producencë nie chcą, żebë mieszkańcë przëchôdelë na plan. Rzekł, że gard bãdze òbrôbiôł pasowné regle, jaczé na przińdnotã zagwësnią mieszkańcóm wiadã, a przë tim bãdą dogódné dlô producentów. Dôł téż bôczenié na to, że krącenié bollywoodzczi superprodukcje prawie we Gduńskù mòże wëpromòwac gard w Indiach, Azje i na całim swiece. Zapòwiedzôł téż, że są ùgôdóny z filmòwą ekipą, żebë ta pòsprzątała do kùńca wszëtczé òstawioné szlachë pò nagraniach.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Ten komentarz jest ukryty - kliknij żeby przeczytać.