Za wëbùchã stoji separatisticznô òrganizacjô wespółrobiącô z talibama.
W sobòtã 9. smùtana na banowiszczu w Kwece, stolëcë pakistańsczi prowincje Beludżistón, wëbùchła bómba. We wëbùchù zdżinãło 26 lëdzy, a wicy jak 60 bëło renionëch. Wiele z nich je w kriticznym stanie. Westrzód zabitëch béł atakòwnik-sãzabijca, jaczi halôł bómbã na sobie. Do atakù przëznała sã separatisticznô Armiô Wëzwòleniô Beludżistanu, jaczi célã je samòstójnota ti nôwikszi pakistańsczi prowincje, zajimający 43% wiéchrzëznë kraju. Separatiscë pòwiedzelë, że célã béł òddzél pakistańsczich żôłnérzi, jaczi żdelë za baną, jaką mielë wëjachac z gardu pò òdrobionym szkòlenim. Wëszëznë pòcwierdzëłë, że 14 żôłnérzi z ti jednostczi zdżinãło we wëbùchù.
Jistniejącô òd 2000 rokù Armiô Wëzwòleniô Beludżistanu je ùznôwónô za terroristiczną òrganizacjã. Latos w zélnikù w przeprowadzony przez niã serie ataków na sztrëczi, aùtostradë i pòlicjowé wachë zdżinãło w sëmie 73 lëdzy. Dzejają we wespółrobòce z Talibanã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie