Reklama
Britijsczé pubë procëm rządzący partie
24/12/2025 14:34
Nôlimczi zakazéwającé wstãpù nôleżnikóm Partie Robòtë pòjawiłë sã w lokalach całégò Zjednónégò Królestwa. To protest procëm zwikszeniu pòdatków na lokale.
Òd kùńca smùtana ju tësąc pubów w całi Wiôldżi Britanie doparłãczëło do protestacjowi akcje procëm zapisóm w bùdżece państwa na przińdny rok. Wedle przedstôwców branżë pò zjinakach bãdą płacëc wiele wikszi pòdatk òd swòjich lokalów, przez co bãdą mùszelë jesz barżi dwignąc prizë za piwò a jinszé produktë. Przez dzesãc lat òne ùrosłë wicy jak dwa razë. Miéwcë pubów rozlimiają w nich nôlimczi z nôdpisama „Niżódnëch pòsélców Partie Robòtë”, bò to jich głosama, jakno partie z wikszoscą w Jizbie Gminów, parlament przewelowôł pòdwëższenié pòdatkù. Do Partie Robòtë słëchô téż premiéra Keir Starmer. Dlô wiele miéwcôw nôlimczi są leno symbòlicznym protestã, ale co nômni dzél z nich mô ùdbóné zôkôz wëkònëwac i wëpraszac z lokalu pòlitików rządzący partie. Pòliticë winëją miéwców pubów ò psëcé kùlturë integracje i ùnimòżebniwanié rozmów pòlitików z pòdjimarzama.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze