Reklama

Britijsczi restaùratorzë rozgòrzony

Klëka

18/01/2026 20:02

Òdj. Theron from Midland, MI, USA - London-BigBen; zdrzódło: https://pl.wikipedia.org/wiki/Londyn#/media/Plik:London-BigBen_(27038026452).jpg

Òchëbnô praktika, jakô zabijô môłé geszeftë – tak restaùratorzë gôdają ò wëzwëskiwanim falszewëch pòzwów i logów w mòbilnëch aplikacjach.

We Wiôldżi Britanie dało jiwer zrzeszony z mòbilnyma aplikacjama do sztelowaniô jestkù. Miéwcë môłëch restaùracjów winëją wiôldżé sécë z òglowòbritijsczim abò midzënôrodnym sëgã ò falszewé reklamòwanié sã na tëch aplikacjach. Brëkùją tam profilów ze zjinaczoną pòzwą i logã, twòrzącë falszewą kònkùrencjã dlô niezanôleżnëch restaùratorów. Ta praktika je legalnô, bò w aplikacje wiedno mòże sprawdzëc, skądka pòchôdô jestkù, ale klijencë colemało tegò nie robią. Miéwcë môłëch restaùracjów gôdają, że jeżlë chtos z aplikacje sztëleje jestkù òd firmë, jaczi szildu nigdë na żëwò ni miôł widzóné, to gwës robi to dlô wspiarcô môłëch biznesów, a tej taczé prakticzi gò zmilą. Miéwca jedny z britijsczich aplikacjów nie widzy jiwru w tim, że wiôldżé firmë chcą zwëskac z dodôwkòwi òpcje zwikszeniô zwëskù. Rzekł téż, że jeżlë klijentowi zanôlégô na dobrim jestkù, to nie bãdze gò òbchòdzëło, chto je przërëchtëje. Miéwca sécë trzënôsce meksykańsczich restaùracjôw Barburrito przekôzôł, że aplikacje pòzwôlają doch téż môłim restaùratoróm na twòrzenié fikcjowëch merków, a sama praktika pòzwôlô na to, żebë przedac wicy môltëchów i nie marnowac jestkù.

H.S.Sz.

Załączniki