Michôł Paseczny rechùje na to, że kradélc òstawił kòło gdzes w krzach. Nalôzcë bédëje zjedzenié ze sobą pôłniégò.
We strzodã dwadzestégò trzecégò lëpińca bùrméster Rëmie Michôł Paseczny na swòjim profilu na spòlëznowëch mediach dôł do wiadë, że òb noc spòd blokù chtos „gwës przëtrôfkã” zabrôł jegò górsczé kòło. Napisôł, że mô òno dlô niegò wiôlgą sentimentalną wôrtnotã i dlôte zanôlégô mù nad dostanim gò nazôd. Pòprosył ò infòrmacje ò tim, gdze mòże bëc jegò kòło, bò mòże stojec gdzes òstawioné przez kradélca. Za nalézenié kòła wëznacził nôdgrodã, w jaką wchôdô téż pòspólné pôłnié z rëmsczim bùrméstrã. Do wpisu doparłãcził téż òdjimczi pòjazdu: kòło mô czôrną ramã z zelonym nôdpisã „peak 29” a téż czôrno-czerwioné sodełkò.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie