Robòtnicë zatrëlë sã sarkòwòdzëkã i wpedlë bënë kanału.
W sobòtã drëdżégò zélnika reno w japòńsczim gardze Gyoda sztërzeji robòtnicë sprôwdzëlë pòdzemné rórë, czej jeden z nich schôdającë do kanalizacje spôdł z pòłowë wëszawë drôbczi. Jegò trzeji drëchòwie rëgnãlë mù na pòmòc, ale téż pòspadiwelë z drôbczi. Wszëtczich sztërzech, ju nieżëwëch wëcyglë wezwóny ògniarze. Pòcwierdzëlë, że z kanalizacje wëlatiwôł trëjący sarkòwòdzëk, jaczi mógł sprawic ùtratã przëtomnoscë ù robòtników. Môlowô spòlëzna ùtcëła jich pamiãc minutą cëszë. Włôdzë gardu zapòwiôdają ùprawienié sztandardów bezpiekù wczas robòtów kòl pòdzemny infrastrukturë, chòc pòdsztrichiwają, że jesz je za wczasno, żebë wskazac, chto je winien wëpôdkù.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie