Nowi parlament òstónie wëbróny w gromicznikù. Do tegò czasu ten dzysdniowi bãdze szedł dali ze swòją robòtą.
W piątk 27. gòdnika prezydent Federalny Repùbliczi Niemiecczi Frank-Walter Steinmeier rozrzesził Bundestag i ògłosył, że wczasniészé welacje do parlamentu bãdą zòrganizowóné w ùgôdóny przódë dzéń 23. gromicznika 2025 r. Do czasu welacje rozrzeszony parlament bãdze dali dzejôł. Decyzjô prezydenta òsta pòdjimniãtô pò tim, jak w smùtanie rozpadła sã rządowô kòalicjô pòd przédnictwã Olafa Scholza. Jakno że Bundestag wëbiérô w Niemcach kanclerza, chtëren je szefã niemiecczégò rządu, Steinmeier w swòji przemòwie gôdôł ò brëkòwnoce ùsadzeniô nowégò rządu, jaczi bãdze rozmiôł dzejac nimò drãdżi stojiznë i z dowiérnotą parlamentu. Prosył téż, żebë nadchôdającô welacjô bëła przeprowadzonô na mirny ôrt, narzesziwającë do niedawnëch rëchawków w pùbliczny debace sparłãczonëch z atakã w Magdebùrgù. Przestrzégôł téż przed cëzym cëskã òb welacjową kampaniã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie