Reklama

Òbwinë dlô internetowégò manijôka

Klëka

18/10/2025 17:30

Ze swiata, Òbwinë internetowégò manijôka - zdjęcie, fotografia

Òd szesnôstégò rokù żëcô zajimôł sã manienim młodszich do robieniô sobie krziwdë. Terô òdpòwié midzë jinszima za piãc próbów mòrdarstwa i jedno ùdóné.

Prokùratura w Hambùrgù pòstawiła dwasta sztërë òbwinë dwadzescejedenlatnémù chłopù. Dzejôł w Internece jakno White Tiger – Biôłi Tigris. Przez czatë na grach online i w internetowëch kòmùnikatorach zachãcywôł dzecë i nôscelôtków òd jednôsce do piãtnôsce lat do pòniżającëch dzejaniów, kaléczeniô sã, a w przëtrôfkù jednégò trzenôscelôtka ze Zjednónëch Stanów téż do sãzabicégò, transmitowónégò przez internet. Pòmôgała mù w tim internetowô grëpa internaùtów z rozmajitëch krajów. W sëmie swòjim manienim skrziwdzył trzëdzescë òfiarów. Zaczął w dwa tësące dwadzestim pierszim rokù, jak miôł szesnôsce lat. Ju tedë béł przesłëchóny w sprawie wiadłów na platfòrmie Discord, w jaczim przegadiwôł młodszé òd se dzéwczãta do kaléczeniô sã. Władzë zatrzimałë gò równak dopiérze latos w czerwińcu ù jegò starszich doma. Tam szandarzë nalezlë nielegalné noże, kastetë i palcôtrë, a téż sprzãt do taceniô internetowi kòmùnikacje i disczi z zapisónyma nagraniama sãkaléczeniô i jinszima dokazama dzejaniô sprôwcë.  Jesz latos Biôłi Tigris kanie przed sądã w Hambùrgù.

H.S.Sz.