Chłop z białką napedlë na salón grów na Zaspie, zamklë robòtnicã w wichódkù i ùkredlë 15. tës. zł. Terô mògą pòsedzec w sôdzë 15 lat.
W niedzelã 19. stëcznika wieczór na pòlicjã trafiło zgłoszenié ò rabùnkù na gduńsczi Zaspie. 33-latny chłop i jegò 26-latnô białka napedlë na salón grów. Weszlë do bùdinkù i pòdôwającë sã za robòtników òd wòdoprowadników zacygnãlë robiącą w salonie białkã do wichódka, gdze jã zamklë, a tak mòglë rëgnąc z rabùnkã. W sëmie ùdało jima sã ùkradnąc 15 tës. złotëch. Pòtemù sprôwcë ùceklë, òstôwiającë robòtnicã salonu w wichódkù. Szandaróm ùdało sã nalezc pôrã, jakô mieszkô w kartësczim krézu. Ju pòstãpnégò dnia w jich lodownicë w mieszkaniu nalezlë 8550 złotëch z rabùnkù, a zabezpieczëlë téż ruchna, jaczé 26-latnô sprôwcka napadu miała na sobie òb czas atakù. We wtórk 21. i we strzodã 22. stëcznika żeniałi òstelë doprowadzony do prokùraturë, gdze ùczëlë òbwinë. Za rabùnk mòże jima grozëc do 15 lat sôdzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie