Reklama
Òbwinë procëm Britijczikòwi za zbrodnie na Ùkrajinie
20/11/2025 10:08
Kònkretné òbwinë tikają sã dwùch artiklów Genewsczi Kònwencje, ale jeden swiôdk gôdô ò czãstszi wespółrobòce òbskôrżonégò z rusczim wòjskã.
Britijsczé karno do sprôw wòjnowëch zbrodniów prowadzy wëdowiédzã w sprawie Grahama Phillipsa, sztërdzescë szesc lat stôrégò Britijczika, jaczi mieszkô w Mariupòlu i prowadzy proruską narracjã w mediach. Mòże òn bëc pierszim òbëwatelã Wiôldżi Britanie skôzónym za wòjnowé zbrodnie na Ùkrajinie. Je znóny z nagrónégò przez sebie w dwa tësące dwadzestim drëdżim rokù filmù, na jaczim rusczi żôłnérz pòkazéwô dokùmentë ùkrajińsczégò, chtërnégò cało żarłe swinie. Phillips rągôł so z zabitégò Ùkrajińca i wëkrzëkiwôł òbrazlëwé kòmentarze. Prokùratura ùznała to za złómanié trzëdzestégò czwiôrtégò artikla Genewsczi Kònwencje, jaczi zakazéwô profanacje całów zabitëch na wòjnie. Jiny filmik Phillipsa przedstôwiô przesłëchanié skłódkòwónégò i pòbitégò Aidena Aslina, Britijczika służącégò w ùkrajińsczi mòrsczi piechòce. Phillips gôdôł do niegò, że zasłëgiwô na smierc za to, że je najmańczikã. To mô bëc złómanié zôkazu pòniżaniô wòjnowëch pòjmańczików i wëzwëskiwaniô jich do propagandowëch célów. Procëm Britijczikòwi swiôdcził téż Amerikón Alex Drueke, jaczi biôtkòwôł na Ùkrajinie i béł w rusczi niewòlë trzë miesące. Tedë widzôł, jak Phillips aktiwno bierze ùdzél w przesłëchiwanim pòjmańczików. Aùtór filmików òdrzucô òbwinë i cwierdzy że nie złómôł niżódnëch midzënôrodnëch prôw i pòkazéwôł leno jawernotã, a proces procëm niemù mô czësto pòliticzné spòdlé. Zapòwiedzôł, że jeżlë ùczëje fòrmalné òbwinë, bãdze wespółrobił ze służbama.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie