Reklama

Chcą ùsadzëc britijsczé FBI

Klëka

25/01/2026 13:27

Òdj. Weakheart Drop - Flickr: Reassuring Presence; zdrzódło: https://pl.wikipedia.org/wiki/Policja_w_Wielkiej_Brytanii#/media/Plik:Derby_public_sector_pensions_strike_in_November_2011.jpg

Nowi òrgan to jedna z czile zjinaków zapòwiedzónëch w òbrëmim generalny refòrmë pòlicje. Ministra bënowëch sprôw kritikùje zastarzałi dotëchczasny system.

Britijskô ministra bënowëch sprôw Shabana Mahmood zapòwiôdô refòrmë dlô pòlicje w Anielsce i Walie. Fùlny plan mô bëc dopiérze pòdóny, ale w slédnëch dniach dała ju do wiadë czile zôpòwiesców. Do dwa tësące dwadzestégò ósmégò rokù mają bëc wëgaszoné ùrzãdë pòlicjowëch kòmisarzów przëznôwnóné przez welowanié, co pòzwòli zaòbszczãdzëc dëtczi na financowanié dozéru w dzélnicach gardów. Wszëtcë anielsczi a walijsczi szandarzë bãdą mùszelë téż zôs zdac egzaminë ze spòsobnosców i wiédzë co do nônowszich sztandardów jich robòtë abò òdéńdą ze służbë. Nôgłosniészé zôpòwiescë równak tikają sã pòwòłaniô Krajewi Pòlicjowi Służbë – òrganu przëmiérzónégò do amerikańsczégò Federalnégò Wëdowiédzowégò Bióra, jaczi mô zajimac sã biôtką z terrorizmã, kòrupcją i przesprôwczima grëpama. Pòd merk nowégò cała mają przéńc dotądka dzejającé niezanôleżno lokalné służbë a téż jinszé agencje zajimającé sã tima tôklama. Nowô òrganizacjô mô wprowadzëc pòspólné szkòlenia i financowanié a téż razã kùpiwac mòderny sprzãt. To mô zagwësnic równy bezpiek òbëwatelóm niezanôleżno òd môlu zamieszkaniô. Chòc Krajewô Pòlicjowô Służba mô dzejac w Anielsce i Walie, bãdze brała ùdzél w szkòleniach szandarów w całim Zjednónym Królestwie.

H.S.Sz.

Załączniki