Mòckò pòdezdrzóné zdarzenié zmùszëło służbë do wësłaniô dodôwkòwëch lëdzy na ùmòcnienié òchrónë w òbéńdze gminë Nowô Karczma.
Wedle zgłoszeniô, jaczé dostała kòmenda pòlicje w Kòscérznie, w piątk 24. stëcznika na òbéńdze gminë Nowô Karczma doszło do niebezpiecznégò zdarzeniô. Chłop czerëjący bùsã miôł nagadëwac dzecë, żebë te wlazłë do jegò wòzu. Zarô pò ti infòrmacje na plac béł wësłóny szandarsczi patról, chtëren równak pò przepitanim swiôdków i przeszukanim nôblëższi òbéńdë nie napòtkôł pòdezdrzónégò bùsa. Ùsadzony òstôł równak dodôwkòwi nadzér terenu przez szandarów, na wëpôdk pòstãpnëch przëtrôfków nagadiwaniô dzecy, żebë wsadłë do aùtoła z nieznajomim. Wiadło zbùdzëło pòczëcé zagrôżbë dlô bezpiekù ùczniów. W reakcje na to pòlicjô w Kòscérznie prosy ò chùtką łączbã wszëtczich, jaczi mògą miec jakąs wiadã ò szukónym bùsu i jegò miéwcë abò szoférze. Zgłaszac sã mòże na numer telefònu 477 423 200 do Krézowi Kòmende Pòlicje w Kòscérznie, abò na alarmòwi numer 112.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie