Reklama

Chłop z Trzëgardu dokùmentowôł sztreczi i wòjskòwé transpòrtë

Klëka

23/12/2025 11:02

Z Kaszëb, Chłop Trzëgardu dokùmentowôł sztreczi wòjskòwé transpòrtë - zdjęcie, fotografia

Òbéńda dzejaniô chłopa winowónégò ò szpióństwò to nordowô Pòlskô. Drobnotów sprawë prokùratura dlô bezpiekù jesz nie pòdôwô.

Minister Tomôsz Semòniôk dôł do wiadë, że w sobòtã dwadzestégò gòdnika sąd zaaresztowôł na trzë miesące mieszkańca Trzëgardu. Trzëdzesce lat stôri chłop, òbëwatel Pòlsczi, je winowóny ò zgłoszenié chãcë dzejaniô dlô cëzëch wëdowiédzowëch służbów. Wczasni béł kôróny za zwëczajné drobné przesprawë, tą razą równak służbë scwierdzëłë, że twòrził òn dokùmentacjã wòjskòwëch transpòrtów i banowi insfrastrukturë. Trafilë gò na tim w Bëdgòszczë i to tamecznô prokùratura zajimô sã sprawą. Chłop dzejôł równak wiele szerzi. Materiałë, jaczé ù niegò nalezlë, swiôdczą ò jegò bëtnoscë w jinëch placach na Pòmòrzim i w całi nordowi Pòlsce. Za samò zgłoszenié sã do dzejaniô dlô cëzëch służbów mòże dostac òd pół rokù do òsmë lat sôdzë. Jeżlë prokùratura wëkrëje, co òn ju wzął ùdzél w szpióńsczich dzejaniach abò przekôzôł infòrmacje, chtërne mògłëbë zagrozëc państwù, mòże dostac wiele dłëgszą sztrôfã.

H.S.Sz.

Źródło i opracowanie własne