Zgłoszenié ò zapôlenim sã aùtołowégò zakładu doszło do służbów ò gòdz. 1 pp. (13:00), a ò 1:50 pp. akcjô òstała zakùńczonô. Żëcémù dwùch szkòdowónëch nick nie grozy.
We strzodã 25. gòdnika w Kczewie w gminie Przedkòwò zapôlëła sã aùtołowô warkòwniô razã z ùstrzechą. Do akcje gaszeniô ògnia bëło wësłóné sétmë półków ògniowi starżë z Kartuz i gminë Przedkòwò. Jich akcjô dérowała wnet gòdzënã, òdżin ùgaszëlë. Na môlu towarzący jima mediczny retownicë zajãlë sã miéwcą warkòwnie, chtëren przódë sóm próbòwôł ùgasëc òdżin i nawdichôł sã dëmù – na szczescé pò zbadérowanim òkôzało sã, że chłop nie brëkùje jachac do bòlëcë. Pòjachôł tam za to jeden z 34 ògniarzów gaszącëch bùdink, jaczi béł reniony w remiã. Pò òbezdrzënach i chùtczi pòmòcë, òstôł wëpisóny. Stratë w warkòwnie, na jaczé skłôdają sã ùszkòdë bùdinkù a téż spôlenié zachów bënë, òstałë òbtaksowóné na kòl 50 tës. złotëch. Jesz nie je wiedzec co doprowadzëło do zażôleniô sã zakładu. Zbadérowanim sprawë zajimie sã pòlicjô. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie