Dzesãc półków ògniowi starżë chùtkò ùgasëło òdżin na tësąc kwadratmétrach.
W piątk sódmégò strëmiannika nad Czôrnówkã w gminie Nowô Wies w lãbòrsczim krézu bëło widzec skòpicą czôrnégò dëmù – zapôlëło sã smiecëszcze Zakładu Zagòspòdarowaniô Òdpadów. Òdżin pòjawił sã kòl drëdżi pò pôłnim. Na plac bëło wësłóné dzesãc półków ògniowi starżë, jakô chùtkò dała so radã z ògniã. Ten béł rozkòscérzony na wiéchrzëznie dwadzesce na piãcdzesąt métrów. Trzë strëmienie wòdë i cãżczi sprzãt na smiecëszczu jak kòpôrczi pòzwòlëłë na ùgaszenié płomieni do wiertel do czwiôrti pò pôłnim. Ògnie na smiecëszczach zdôrzają sã czãsto. W Czôrnówkù òdżin smiecëszcza na kąsk wikszi wiéchrzëznie béł w maju dwa lata nazôd. Zwëczajno ùdôwô sã je chùtkò ùgasëc, ale nie jidze wskazac maklewnëch przeczënów pòżaru. Nôwikszą zagrôżbą, jaką zjiscywają, są toksyczné dëmë wëpùszcziwóné ze smiecy w lëft.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie