Wrôcô téma wëbùdowaniô brëkòwny infrastrukturë dlô sparłãczeniô wòjewódzczi drodżi 218 z wãzłã Òkrãżnicë Trzëgardu.
Mieszkańcë Chwaszczëna ni mają drogòwégò sparłãczeniô przechôdający przez jich wies wòjewódzczi drodżi 218 z wãzłã Chwaszczëno na Metropòlitarny Òkrãżnicë Trzëgardu. Domôgają sã òd Generalny Direkcje Krajewëch Drogów i Aùtodargów stwòrzeniô nowégò dojazdu. Reprezentëje jich w ti starze m.jin. radny kartësczégò krézu Jack Fópka, jaczi tłómaczi, że dzysdnia pòwôżnym jiwrã je felënk sprawnégò dojazdu chwaszczëńsczi ògniowi starżë na Òkrãżnicã Trzëgardu a téż na Kaszëbską Drogã.
Chwaszczënianie i jich samòrządowi zastawnicë bédëją 700-métrowi dzélëk nowégò szaségò z dwùma rondama jakno rozrzeszenié dzysdniowégò tôklu z lëchim dojazdã. Takô bùdacjô bëła jima przedstôwionô na òbgôdkach cawnégò sztôłtu Mòtropòlitarny Òkrãżnicë Trzëgardu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie