Reklama

Co zrobic z nôdpisã kòl mòla

Klëka

26/01/2026 13:27

Sopòt zjinaczi swòjã wizualną identifikacjã nié blós na promòcjowëch materiałach. Copnie sã do cządu sprzed socrealiznë.

Òd czedë wëszëznë Sopòtu ògłosëłë zjinaczi w wizualny identifikacje gardu, pòjawiłë sã téż ùdbë zmianów w pùbliczny rëmie. W welowanim w òbrëmim òbëwatelsczégò bùdżetu mieszkańcë zdecydowelë, że kòl wéńdzeniô na mòlo mają bëc zdjimniãté wiôldżé żôłté lëtrë twòrzącé nôdpis „MOLO”. Miast niegò mô zawisnąc nowi, neònowi nôdpis z lëternictwã narzesziwającym do mòrsczich wałów. Szlachòwny béł tam pòwieszony krótkò pò drëdżi swiatowi wòjnie i wisôł do szescdzesątëch latów. Prezydentka Sopòtu Magdaléna Czarzińskô-Jôchim w swòjich spòlëznowëch mediach napisała pòst, w jaczim pitô, co zrobic z żôłtim nôdpisã, jak gò zdjimną. Lëtrë mògą sã jesz nadawac to pòstawieniô w jinym placu. Internaùcë bédowelë jak z nôdpisu zrobic interesëjącą instalacjã, ale delë téż ùdbã, żebë gò zlicytowac na Wiôlgą Òkrestrã Swiãteczny Pòmòcë w przińdnym rokù.

H.S.Sz.

Załączniki