Reklama
Cwiczenia Iranu, Chin i Rusczi
19/02/2026 16:17
Òkrãtë i bôtë zdrëszników pòjawiłë sã na zwãżënie rëchli, jak bëło planowóné. To przez zgromadzenié amerikańsczich sył na zôpôd òd môlu cwiczeniów.
W òdpòwiescë na zebranié wiôldżi flotë mòrsczi a lëftowi na Persczi Hôwindze przez Zjednóné Stanë, na Zwãżënie Hormùz, jakô parłãczi Perską Hôwingã z Indijsczim Òceanã, cwiczenia zaczął Iran. Òd pòniedzôłkù òstrą amùnicjã próbòwelë na ji wòdach żôłnérze Kòrpùsu Starżników Islamsczi Rewòlucje. Terô dérëje tam drëdżi etap cwiczënków, w jaczim co rok bierzą téż ùdzél marénowie z Chin i Rusczi, pòd pòzwą Pas Mòrsczégò Bezpiekù. Te cwiczenia pierszi rôz bëłë przeprowadzoné sétmë lat nazôd. Latosô edicjô bëła zaplanowónô na zôczątk strëmiannika, ale za decyzją Iranu jakno gòspòdarza termin òstôł pòdrëchlony, prawie w òdpòwiescë na zwikszoną aktiwnosc Amerikanów na Persczi Hôwindze.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze