Król Toera zdżinął w czasu pacyfikacje pòwstaniô procëm Frańcuzóm wnetka sto trzëdzescë lat dowsladë.
We wtórk dwadzestégò szóstégò zélnika w sedzbie francësczégò Ministerstwa Kùlturë zrëchtowónô bëła ùroczëzna, w jaczi przedstôwcë ministerstwa i parisczégò Mùzeùm Nôtërny Historie przekôzelë przëjachóny z Madagaskaru delegacje trzë czaszczi. Jedna z nich mô bëc czaszką króla Toerë, wódcë malgasczégò lëdu Sakalawa, jaczi w tësąc òsmëset dzewiãcdzesątim sódmim rokù zdżinął pò tim, jak razã ze swòjima biôtkòwnikama stawił sã procëm Francëzóm pò pòdbicym przez nich òstrowù i aneksje Madagaskaru do Francje. Pò znôwnym ùdostanim samòstójnotë przez Madagaskar, wëszëznë długò trzimałë starã ò zwrócenié czaszczi króla, co w kùńcu sã stało pò sto dwadzesce òsmë latach òd jegò smiercë. To, czë czaszka pò prôwdze nôleżi do zabitégò wódcë, nie òstało sprôwdzoné geneticznyma badérowaniama, ale Sakalawòwie bëlë rôd z òpinie dëchòwégò medium swòjégò lëdu, jaczi òswiôdcził, co czaszka pò prôwdze nôleżi do króla Toerë. Na ùroczëznie ji przekôzaniô francëskô ministra kùlturë Rachida Dati scwierdzëła, że czaszczi bëłë włączoné do krajewëch zbiérów w warënkach kòlonialny przemòdżi, jakô zadôwała gwôłt lëdzczi gòdnoscë. Madagaskarskô ministra Volamiranty Donna Maria zmerkała, że jich felënk w òjczëznie béł òdemkłą reną na sercu òstrowù. Madagaskarsczi rząd planëje ùtcëc zabitégò króla w roczëznã jegò scãcô w slédnëch dniach zélnika.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie