Gbùrã, jaczi dôł zdechlënie na gbùrstwie trëpiec, zajimie sã pòlicjô.
We czwiôrtk piãtnôstégò maja pòlicjô dostała zgłoszenié ò mòcnym smardze, jaczi dało czëc z jednégò gbùrstwa w Klaskawie w gminie Czersk. Pò przëjachanim na môl szandarzë nalezlë w sklepie stodołë trëpiejący scyrz krowë. Wedle gbùra, zwierzã zdechło pò tim, jak wpadło do sklepù przez durã. Szandarzë i robòtnicë Krézowégò Inspektoratu Weterinarie w Chònicach nalezlë równak wicy zwierzëcëch scërzów – czilenôscë sztëk bëdła i jednã sztëkã strzódë. Służbë chùtkò zabrałë z gbùrstwa żëwé zwierzãta: krowã, swiniã i dwa tósze. W sobòtã sétmënôstégò maja Krézowô Lékôrka Weterinarie Katarzëna Falgòwskô dała do wiadë, że badérowania pòbrónëch na gòspòdarstwie próbków wëłączëłë mòżebnosc wëstąpieniô kôdrë i afrikańsczégò pòszëdła swiniów, co znaczi że ùretóné zwierzãta bãdą mògłë òstac przewiozłé na jinszé gbùrstwò wëznaczoné przez gminã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie