Reklama

Cãżkô chòrosc ùszłégò prezydenta

Klëka

11/10/2025 16:56

Joe Biden w 2019 r. Aùtór: Michael Stokes - Biden13; zdrzódło: https://pl.wikipedia.org/wiki/Joe_Biden#/media/Plik:Biden13_(47876895821).jpg

Nônowszi pòkrok w biôtce ò zdrowié Joe Bidena òbjimô biôtkã z dwùma fòrmama reka, jaczé mãczą pòlitika.

Rzecznik ùszłégò prezydenta Zjednónëch Stanów Joe Bidena dôł do wiadë ò jegò zdrowim. Òsmëdzesąt trzë lata stôri pòlitik biôtkùje z òstrim rekã prostatë z przerzutama do gnôtów. Ta infòrmacjô trafiła do pùbliczny wiadë latos w maju. Òd te czasu przechôdôł czile terapiów, midzë jinszima radioterapiã, jakô sã zaczãła czile tidzeni nazôd. Béł ji pòddôwóny w Filadelfie. Terô przez nôblëższé piãc tidzeniów bãdze pòddôwóny radioterapie parłãczony z hormonalnym lékarzenim, co wedle rzecznika bãdze nową fazą w biôtce ò jegò zdrowié. Przekôzôł téż, że ùszłi prezydent dobrze òdpòwiôdô na dotëchczasné métlë terapie. Òkróm reka prostatë Biden cerpi téż na reka skórë, na jaczi w ùszłim miesącu béł ùżëti tak pòzwóny métel Mohsa – nowòtwòrowé kòmórczi skórë bëłë mù wëcãté, a pòlitik pùbliczno sã pòkazéwôł z bandażã na łësënie.

H.S.Sz.