4 mln złotëch dofinancowaniô òstónie dołożoné do sëmë brëkòwny do realizacje projektu mòdernizacje szkół w Człëchòwie i Czôrnym.
Na slédny sesje Radzëznë Człëchòwsczégò Krézu radny gôdelë ò pòmëslónym na ten rok projekce rozwijaniô warkòwëch szkół. Òbjãté nim mają bëc Karno Technicznëch Szkół w Człëchòwie i Karno Wëżispòdlecznëch Szkół w Czôrnym. Ùdało sã na ten cél wëkrëgnąc 4 mln zł dofinancowaniô z Eùropejsczi Ùnie. Całosc pòdjimniãcô mô kòsztac 6,5 mln zł. Starosta Aleksander Gappa òb czas zéńdzeniô Radzëznë gôdôł ò żordze òrganów krézu do ùprawianiô i zwieliwaniô mòżebnosców warkòwi edukacje w szkòłach. Mówił téż ò wikszim cëskù jawernotë rënkù robòtë na programë bédowóné przez szkòłë, co pòzwòli na wprowadzenié barżi prakticznégò wëùczeniégò szkòlôków. W KTS w Człëchòwie mô pòwstac manewrowi plac do nôùczi jazdë, a jizbë w szkòle mają òstac òdnowioné. KNS w Czôrnym dożdże sã przebùdowë bënowégò infòrmaticznégò jadra i elektriczny instalacje brëkòwnëch do warkòwniów infòrmaticzi i programòwaniô.
Twoje zdanie jest ważne jednak nie może ranić innych osób lub grup.
Komentarze opinie