Pôlą sã lasë, le lëdzczé sedlëszcza téż są w zagrôżbie. Rząd wëdôwô lëdzóm wskôzë ewakùacje.
Ju wicy jak tidzéń, òd czwiôrtkù dwadzestégò sódmégò gromicznika, japóńsczi ògniarze biôtkùją z ògniã w lasowi òbéńdze prefekturë Iwate na nordze Japóńsczi. Ju zeżôlëło sã wicy jak dwa tësące hektarów lasu wkòł gardu Ofunato. Región wëcerpiôł nôsëchszi gromicznik òd dwadzesce lat – nadeszedł òn pò baro gòrącym łońsczim rokù, nôgòrãtszim òd czedë w Japóńsce prowadzoné są pòmiarë. Kòl trzech tësãcy sztëk lëdztwa ùcekło ze swòjich môlëznów abò przeniosło sã do schronów. Òdżin i jegò skùtczi ùszkòdzëłë kòl òsmëdzesąt bùdinków. Japóńsczi premiéra Shigeru Ishiba gôdôł w parlamence, że chòc służbë ni mògą zagwësnic dalszégò rozkòscerziwaniô sã pòżaru, to zrobią wszëtkò co mògą, żebë strzëmac òdżin przed szkòdzenim chëczóm. Do tegò zadaniô sczerowóny òstelë ògniarze ze sztërnôsce japóńsczich prefekturów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie