Karno znajarzów dobëtno ùżëło precyzyjny metodë lékarzeniô mastektomie.
W Mòrsczi Bòlëcë m. Pòlsczégò Czerwionégò Krziża we Gdinie karno medików wëkònało pierszą na Pòmòrzim endoskòpòwą pòdskórną mastektomiã z jednoczasnã rekònstrukcją piersë na pacjentce z rekã piersë. Je to nowòtny ôrt òperacje, jaczi przeprowôdzóny je w niewiele krajach w Eùropie. Niechtërne bòlëcë w Pòlsce bédowałë ju ten zabiég òd séwnika łońsczégò rokù. Sukces òperacje pòzwòli na ùgwësnienié karna w robienim tegò mało inwazyjnégò ôrtu mastektomie z ùżëcym endoskòpù – precyzyjnégò sprzãtu w fòrmie cenczégò nôrzãdła z kamérą. Na ten ôrt ùdało sã téż skrócëc zakłôdóny czas regeneracje skórë pò òperacje. Z ti metodë mdze mògło skòrzëstac kòl 30% pacjentków z nowòtwòrowima pòzmianama w piersach.
Òperacjô na 70-latny białce òsta wëkònónô przez karno reprezentëjącé tpzw. „Breast Unit”, to je Centrum Diagnosticzi Lékarzeniô Chòrosców Piersë razã z anestozjologicznym karnã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie