Dëchòwi wódca tibetańsczégò bùddizmù je dbë, że jegò nowé wcelenié mùszi ùrodzëc sã w „wòlnym swiece”.
We wtórk jednôstégò strëmiannika bëła swiatowô premiéra nowi ksążczi Dalajlamë Tenzina Gjaco, “Głos dlô bezgłosnëch”. Wôrt dac bôczenié na wëjimk, w jaczim dëchòwi wódca tibetańsczégò bùddizmù wëpòwiôdô sã ò swòji przińdny reinkarnacje. Wedle niegò, nowi Dalajlama bãdze mùszôł sã ùrodzëc „w wòlnym swiece”, żebë mòc dali jic z misją bëcégò wódcą tibetańsczégò bùddizmù i symbòlã dlô Tibetańczików prażącëch wòlnoscë òd Chin. Mòże jic na przëmiar ò Indie, gdze òd piãcdzesątëch lat ùszłégò stalatégò Dalajlama mieszkô na wënëkanim razã z ùcekłim rządã Tibetu. Pòsztridowóny z rządã Chin wódca biwô winowóny ò pòliticzny separatizm ùkrëti pòd larwą religie. Wczasni Dalajlama zapòwiôdôł midzë jinszima, że nie bãdze ju miôł pò se nastãpnika. Terô czãsto w swòjich wëpòwiescach gôdô ò brëkòwnoce na cygniãcé tradicje dali w òdpòwiescë na wòlã tibetańsczégò lëdu. Na dzewiãcdzesątą roczëzną, jaką bãdze miôł latos w lëpińcu, mô dac do wiadë wicy infòrmacjów ò pòstãpnym Dalajlamie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie