Òpłôtkòwé pòtkanié wespółòrganizowóné przez Maltańsczi Zôkón i samòrząd pòzwòlëło mieszkańcóm Trzëgardu òbezdrzec Gduńsk z górë.
W pòniedzôłk 9. gòdnika na 34. szosu chmùrnika Olivia Star w Òlëwie bëła pòstãpnô edicjô Maltańsczégò Òpłôtka, jakô w całi Pòlsce je rëchtowónô przez Pòlsczi Związk Maltańsczich Kawalérów we wespółrobòce z samòrządama. Przërôczony na pòtkanié mieszkańcë Gduńska, Gdinie i Sopòtu, wskôzóny przez môlowé dodomë rodzëznowi a spòlëznowi òpieczi, mielë leżnosc wzyc ùdzél w wilëjny czesce i dostac darënczi (m.jin. bawidła dlô dzecy, jôda abò kòsmeticzné zachë). Òbdarowónyma bëłë rodzëznë w drãdżi stojiznie, sómny i starszi lëdze). W pòtkanim zòrganizowónym na nôwëższim szosu nôwëższégò bùdinkù w Trzëgardze wzãło ùdzél 220 lëdzy.
Maltańsczi Òpłôtk je òrganizowóny w Pòlsce òd 2001 rokù z pòdskacënkù nôleżników ricersczégò zôkònu joannitów, zwónégò téż Maltańsczim Zôkònã. Latos òkróm 35 placów w kraju pòlsczi joannicë w òbrëmim przedgòdowëch pòtkaniów òdwiédzają téż Ùkrajinã i Londin.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie